თბილისი, 30 იანვარი — Sputnik. 2017 წელს საქართველოში რეგისტრირებულია 37 944 დანაშაული, და ეს მაჩვენებელი, 2016 წელთან შედარებით, 5,4%-ით გაზრდილია, იუწყება საქართველოს შინაგან საქმეთა სამინისტრო.
37 944 შემთხვევიდან გახსნილი დანაშაულის მაჩვენებელმა 53,2% შეადგინა. 2016 წელს დანაშაულის გახსნის მაჩვენებელი 57,4% იყო.
გასულ წელთან შედარებით, დანაშაულის ზრდის ტენდენცია შეიმჩნევა შემდეგ დანაშაულებზე:
დანაშაული სიცოცხლის წინააღმდეგ — დანაშაულის ზრდა 11,9%-ით;
დანაშაული ჯანმრთელობის წინააღმდეგ — დანაშაულის ზრდა 148%-ით;
დანაშაული ადამიანის უფლებებისა და თავისუფლებების წინააღმდეგ — დანაშაულის ზრდა 23,2%-ით;
დანაშაული საკუთრების წინააღმდეგ — დანაშაულის ზრდა 8,1%-ით;
დანაშაული გარემოს დაცვის წესის წინააღმდეგ — დანაშაულის ზრდა 127,8%-ით;
დანაშაული მმართველობის წესის წინააღმდეგ — დანაშაულის ზრდა 17,5%-ით;
დანაშაული სასამართლო აქტების აღსრულების წინააღმდეგ — დანაშაულის ზრდა 20,5%-ით.
შინაგან საქმეთა სამინისტროს ინფორმაციით, გასულ წელთან შედარებით, დანაშაულის კლების ტენდენცია შეიმჩნევა შემდეგ დანაშაულებზე:
დანაშაული საზოგადოებრივი უშიშროებისა და წესრიგის წინააღმდეგ — კლება 19,5%-ით;
ნარკოტიკული დანაშაული — კლება 8,3%-ით;
სატრანსპორტო დანაშაული — კლება 16,4%-ით;
2017 წლის დანაშაულის სტატისტიკა შინაგან საქმეთა სამინისტრომ სტატისტიკის ეროვნულ სამსახურს „საქსტატს“ მიაწოდა.
