თბილისი, 21 იანვარი — Sputnik. ქალაქ ახმეტაში, ალაზნის სარწყავ არხში 40 წლის მამუკა ძებნიაურს საგანგებო სიტუაციების მართვის მაშველები ეძებენ, იუწყება ტელეკომპანია „იმედი“ (Imedi).
სამძებრო ღონისძიებებში რამდენიმე საათის წინ მყვინთავებიც ჩაერთნენ. ადგილზე მობილიზებულია საპატრულო და სამაშველო ჯგუფები.
საზოგადოებრივი მაუწყებლის პირველი არხის ინფორმაციით, სამძებრო სამუშაოები ამ წუთისათვის შეჩერებულია, მაშველები და მყვინთავები ძებნიაურის ძებნას ხვალ დილით განაახლებენ.
მამუკა ძებნიაურს მესამე დღეა ეძებენ. 40 წლის კაცის საცხოვრებელი ალაზნის სარწყავ არხთან ახლოს მდებარეობს. მამაკაცი ბოლოს, სახლისკენ მიმავალ გზაზე ნახეს.
