ირაკლი კობახიძე უკრაინას ეწვევა

© FB / Irakli Kobakhidzeსაქართველოს პარლამენტის თავმჯდომარე ირაკლი კობახიძე
საქართველოს პარლამენტის თავმჯდომარე ირაკლი კობახიძე - Sputnik საქართველო
გამოწერა
საქართველოს პარლამენტის თავმჯდომარე უკრაინაში ვიზიტის ფარგლებში პრეზიდენტ პეტრო პოროშენკოს, პრემიერ-მინისტრ ვოლოდომირ გროისმანს და ხელისუფლების სხვა წარმომადგენლებს შეხვდება

თბილისი, 17 იანავრი — Sputnik. საქართველოს პარლამენტის თავმჯდომარე ირაკლი კობახიძე ლატვიიდან უკრაინაში ოფოციალური ვიზიტით გაემგზავრება, ნათქვამია ქვეყნის საკანონმდებლო ორგანის ვებგვერდზე გავრცელებულ განცხადებაში.

უკრაინაში ვიზიტს ფარგლებში, რომელიც ოთხშაბათს დაიწყება, პირველ შეხვედრას კობახიძე უკრაინის უმაღლესი რადას თავმჯდომარესთან, ანდრეი პარუბისთან გამართავს. შეხვედრის შემდეგ, ისინი პრესისთვის ერთობლივ განცხადებებს გააკეთებენ.

ირაკლი კობახიძე და რაიმონდ ვეიონისი - Sputnik საქართველო
საქართველოს პარლამენტის თავმჯდომარე ლატვიის პრეზიდენტს შეხვდა

შემდგომში გაიმართება შეხვედრები უკრაინის პრეზიდენტ პეტრო პოროშენკოსთან, პრემიერ-მინისტრ ვოლოდომირ გროისმანთან და საგარეო საქმეთა მინისტრ პავლო კლიმკინთან.

საქართველოს საპარლამენტო დელეგაციის ოფიციალური ვიზიტი უკრაინაში 19 იანვარს დასრულდება.

საქართველომ და უკრაინამ დიპლომატიური ურთიერთობები 1992 წლის 22 ივლისს დაამყარეს. ორ ქვეყანას შორის გაფორმებულია 100-ზე მეტი შეთანხმება ორ- და მრავალმხრივ თანამშრომლობაზე სხვადასხვა მიმართულებებით. განსაკუთრებული ყურადღება ეთმობა ისეთ სფეროებს, როგორებიცაა ტრანსპორტი, ენერგეტიკა, ტურიზმი, სოფლის მეურნეობა, ფინანსები, ჯანდაცვა, სპორტი, კულტურა და განათლება.


ყველა ახალი ამბავი
0