თბილისი, 11 იანვარი — Sputnik. შინაგან საქმეთა სამინისტროს თანამშომლებმა ოჯახში ძალადობის ბრალდებით ყვარლის მუნიციპალიტეტის სოფელ მთისძირში ერთი პირი დააკავეს, ნათქვამია უწყების მიერ გავრცელებულ განცხადებაში.
გამოძიებით დადგინდა, რომ 28 წლის მამაკაცი სისტემატურად აყენებდა სიტყვიერ და ფიზიკურ შეურაცხყოფას 20 წლის მეუღლეს. გარდა ამისა, ბრალდებულმა სიტყვიერი და ფიზიკური შეურაცხყოფა მიაყენა მეუღლის მამასაც.
გამოძიება სსკ-ის 126-ე მუხლით მიმდინარეობს, რაც გულისხმობს ოჯახში ძალადობას და ითვალისწინებს ერთ წლამდე ვადით თავისუფლების აღკვეთას.