თბილისი, 3 იანვარი — Sputnik. ბინის ძარცვის ფაქტზე იტალიის ქალაქ რეჯო-ემილიაში საქართველოს მოქალაქე დააკავეს, იუწყება საზოგადოებრივი მაუწყებლობის პირველი არხი.
25 სექტემბერი 2017, 16:05
ადგილობრივი პოლიციის ცნობით, ორმა მძარცველმა ბინაში შეაღწია და იქ აღმოჩენილი სეიფის გახსნას შეეცადა. მეზობლებმა ხმაური გაიგეს და პოლიცია გამოიძახეს.
პოლიციის თანამშრომლების გამოჩენისთანავე ერთ-ერთმა მძარცველმა გაქცევა მოახერხა. მეორემ პოლიციელებს ფიზიკური წინააღმდეგობა გაუწია. შემდეგ ის დააკავეს.
იტალიური მედია ცნობით, ის 42 წლის ქართველი აღმოჩნდა, რომელიც წარსულში არაერთხელ იყო ნასამართლევი ყაჩაღობისთვის. ამჯერად მას ბინის ძარცვასა და პოლიციელისთვის წინააღმდეგობის გაწევაში წაუყენეს ბრალი. ინციდენტის დროს დაშავდა პოლიციელი, რომელიც საავადმყოფოშია გადაყვანილი.
