თბილისი, 25 სექტემბერი — Sputnik. იტალიის პოლიციის მიერ ჩატარებული სპეცოპერაციის შედეგად გერმანიასა და იტალიაში ქართველების უმსხვილესი დანაშაულებრივი კლანის 28 წევრი დააკავეს, იუწყება საქართველოს საზოგადოებრივი მაუწყებლის „პირველი არხი“ იტალიურ გამოცემა La Stampa-ზე დაყრდნობით.
გამოცემა წერს, რომ დაჯგუფებას, რომელიც ქუთაისის უმსხვილეს დანაშაულებრივ კლანს წარმოადგენს, 2015 წლიდან დღემდე ტურინის, სავონას, ალესანდრიის, კუნეოსა და პავიის პროვინციებში 85 სახლი და ოფისი აქვს გაქურდული.
გამოძიების მიერ გავრცელებული ინფორმაციით, იტალიელმა კარაბინერებმა ქალაქ რეჯიო-ემილიაში აღმოაჩინეს საწყობი, რომელშიც ქართველი კრიმინალები მოპარულ ნივთებს ინახავდნენ, შემდეგ კი საქართველოში აგზავნიდნენ.
