თბილისი, 30 დეკემბერი — Sputnik. წყალტუბოს მუნიციპალიტეტის სოფელ ზარათში ხანძარი ამ დროისთვის ლიკვიდირებულია, ამის შესახებ „Sputnik-საქართველოს“ საგანგებო სიტუაციების მართვის სააგენტოში განუცხადეს.
ცეცხლი ორი საათის წინ ტყის მასივს გაუჩნდა.
როგორც სააგენტოში აცხადებენ, ამ ეტაპზე ნახანძრალი ტერიტორიის პრევენციული დამუშავების პროცესი მიმდინარეობს, რომელშიც 25-მდე მეხანძრე-მაშველია ჩართული.
ჯერჯერობით უცნობია, ტყის რა ფართობია დამწვარი და ასევე უცნობია, ხანძრის გამომწვევი მიზეზიც.
