თბილისი, 30 დეკემბერი — Sputnik. ქუთაისში „იმპექის“ აფთიაქი გაქურდეს.
შემთხვევა წუხელ, გვიან ღამით, გრიშაშვილის ქუჩაზე მოხდა. როგორც თანამშრომლები ჰყვებიან, სიგნალიზაცია მალევე ჩაირთო და ბოროტმოქმედებმა დიდი თანხის წაღება ვერ მოასწრეს.
როგორც „Sputnik-საქართველოს" შინაგან საქმეთა სამინისტროს პრესსამსახურში განუცხადეს, მომხდარ ფაქტზე გამოძიება სისხლის სამართლის კოდექსის 177-ე მუხლით დაიწყო, რაც ქურდობას გულისხმობს და ისჯება ჯარიმით ან თავისუფლების შეზღუდვით ვადით ერთიდან სამ წლამდე.
დაკავებულების შესახებ ინფორმაცია ჯერჯერობით არ ვრცელდება.
