„და-ჩირე“ - ახალი ქართული პროდუქტი ბაზარზე

© FB / Da-Chireჩირი
ჩირი - Sputnik საქართველო
გამოწერა
ჩირი ერთ-ერთი ყველაზე სასარგებლო და ნატურალური ნუგბარია. გამხმარ ხილში გაცილებით მეტი ვიტამინია შენარჩუნებული, ვიდრე მაცივარში სეზონურად შენახულ პროდუქტში.

მარიამ იაშვილი ახალგაზრდა მეწარმეა. გამომდინარე იქიდან, რომ მის ოჯახს აქვს ხილის ბაღი, გადაწყვიტა საოჯახო ბიზნესი წამოეწყო და ჩირის წარმოება დაეწყო. იდეამ გაამართლა. მარიამის მიერ დაჩირულმა კარალიოკის ჩირმა დიდი მოწონება დაიმსახურა.

© Photo: Courtesy of Mariam Iashviliმარიამ იაშვილი
მარიამ იაშვილი - Sputnik საქართველო
მარიამ იაშვილი

— პროფესიით იურისტი ვარ. 2015 წელს დავამთავრე ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტი. ამჟამად ვარ მაგისტრატურის სტუდენტი იმავე მიმართულებით.

- როგორ გაჩნდა იდეა, ჩირის წარმოება დაგეწყოთ?

— გამომდინარე იქიდან, რომ ჩემს ოჯახს აქვს ხილის ბაღი, გადავწყვიტე ახალი ბიზნეს იდეის განხორციელება და მონაწილეობა მივიღე  USAID-ისა და Cristalis ფონდის პროექტში. ამ იდეის განხორციელება ახალგაზრდა მეწარმეთა სკოლის დახმარებით შევძელი, რისთვისაც მადლობას ვუხდი პროექტის მთელ შემადგენლობას. ამჟამად ვაწარმოებ ეკოლოგიურად სუფთა პროდუქტს, კარალიოკის და ხურმის ჩირს — „და-ჩირე". ამჟამად მხოლოდ კარალიოკის და ხურმის ჩირს ვაწარმოებ, მაგრამ უახლოეს მომავალში გვექნება სხვადასხვა ხილის ჩირი, რომლისთვისაც ხილს ადგილობრივი მაცხოვრებლებისგან შევიძენთ. ამით ხელი შეეწყობა ადგილობრივების ეკონომიური მდგომარეობის გაუმჯობესებას. აგრეთვე „და-ჩირეს" წარმოებაში რამდენიმე ადამიანი დასაქმდება ხილის გადამუშავების და გასაშრობად მომზადებისთვის.

© FB / Da-Chireჩირი
ჩირი - Sputnik საქართველო
ჩირი

- რა სასარგებლო თვისებებით გამოირჩევა ჩირის ეს სახეობა?

— ჩირი თითქმის იგივე ოდენობით შეიცავენ ვიტამინებს და მინერალებს, რასაც დაჩირებამდე. მეტიც შეიძლება უფრო დიდი ოდენობითაც შეიცავდნენ. ჩირი მდიდარია საკვები ბოჭკოებით, ფოლიუმით, ფოლიფენოლებით და სხვა ანტიოქსიდანტებით.

კარალიოკის ჩირი — გამოირჩევა იმით, რომ გულძმარვას ებრძვის, შესაბამისად  სადღესასწაულო დღეებში, იმ ადამიანებისთვის, ვისაც გულძმარვა აწუხებს ნამდვილად აღმოჩენაა. არ შეიცავს ცხიმებს. შეიცავს საკვებ ბოჭკოებს, რაც საჭმლის მომნელებელი სისტემისთვის ძალიან საჭირო და სასარგებლოა.

- ვინ გეხმრებათ ამ საქმიანობაში?

— ჩირის წარმოებაში აქტიურად არიან ჩართული ჩემი მშობლები, მათი თანადგომა და დახმარება ძალიან მნიშვნელოვანია ჩემთვის.

- ეს საქმიანობა ხელს არ გიშლით სწავლაში?

— არანაირად. პირიქით ჩემი პროფესია მეხმარება მქონდეს წარმატებული ბიზნესი.

© FB / Da-Chireჩირი
ჩირი - Sputnik საქართველო
ჩირი

- სად ახდენთ თქვენი პროდუქციის რეალიზებას?

— რეალიზებას ვახდენ საქართველოში არსებულ ტკბილეულისა და ეკოლოგიურად სუფთა პროდუქტების მაღაზიებში. მოხარული ვიქნები თუ სახელმწიფო შეგვიწყობს ხელს ახალგაზრდა მეწარმეებს ჩვენი პროდუქციის რეალიზებაში და ბიზნესის მეტად განვითარებაში.

- რა ღონისძიებებში და აქტივობებში გაქვთ მონაწილეობა მიღებული?

— მონაწილეობა მაქვს მიღებული „აწარმოე საქართველოს" პროექტში, სადაც მოვიპოვე გრანტი და ქალაქ ყვარელში გავხსენი საოჯახო სასტუმრო „Violet", რომელიც წარმატებით ფუნქციონირებს, განსაკუთრებით ზაფხულში, როდესაც ჩვენს ულამაზეს ყვარელს უამრავი ტურისტი სტუმრობს.

- სამომავლოდ რა გეგმები გაქვთ?

— სამომავლოდ ვგეგმავ „და-ჩირეს" განვითარებას, უამრავი საინტერესო და ახალი გემოს შექმნას.

 

 

ყველა ახალი ამბავი
0