თბილისი, 26 დეკემბერი — Sputnik. საქართველოს სახელმწიფო უსაფრთხოების სამსახურის (სუს-ი) თანამშრომლებმა დააკავეს პანკისის ხეობის მცხოვრები ბადო ჩოფიკაშვილი, რომელიც, წინასწარი მონაცემებით, ცნობილი ჩეჩენი ტერორისტის, ახმედ ჩატაევის დაჯგუფებას უკავშირდება, იუწყება საზოგადოებრივი მაუწყებლის პირველი არხი.
სუს-ის სპეცოპერაცია პანკისის ხეობის სოფლებში — ომალოსა და დუისში სამშაბათ დილას ჩატარდა. ჩოფიკაშვილის გარდა, დაკავებულია კიდევ ორი ადამიანი — ძმები ტამერლან და რუსლან მაჩალიკაშვილები. ჩოფიკაშვილის სახლიდან დიდი რაოდენობის იარაღი ამოიღეს.
რაც შეეხება ჩატაევს, ის უკვე ცოცხალი აღარ არის. მან თავი აიფეთქა თბილისში 21-22 ნოემბერს ჩატარებული მასშტაბური ანტიტერორისტული ოპერაციის დროს, რომელიც თითქმის 24 საათი გაგრძელდა. დაკავებულია ერთი ადამიანი — რუსეთის მოქალაქე საიდ დუდაევი, ხოლო სამი ლიკვიდირებულია.
სპეცოპერაციისას დაიღუპა ერთი სპეცრაზმელი, ხოლო ოთხი დაშავდა.
