თბილისი, 26 დეკემბერი — Sputnik. მესტია-შავღელეს დამაკავშირებელ საავტომობილო გზაზე მეწყერი ჩამოწვა, რამაც გზაზე ტრანსპორტის მოძრაობის პარალიზება გამოიწვია, იუწყება ტელეკომპანია Imedi.
ზვავსაშიშროების გამო საავტომობილო გზის ამ მონაკვეთზე სპეცტექნიკა მუშაობას ვერ ახერხებს.
რაც შეეხება ზუგდიდი-ჯვარი-ხაიში-მესტიის საავტომობილო გზას, ავტომობილების გადაადგილება მხოლოდ მოცურების საწინააღმდეგო ჯაჭვებით არის ნებადართული.
ინტენსიური თოვის გამო ასევე პარალიზებულია ტრანსპორტის მოძრაობა მესტია-კალა-უშგულის საავტომობილო გზის მონაკვეთზეც.
როგორც „Sputnik საქართველოს" კომპანია Energo-Pro Georgia-ს პრეს-სამსახურში განუცხადეს, ამ დროისთვის მესტიას, უშგულის თემსა და ადიშს ელექტროენერგია არ მიეწოდება, ხოლო დაბა მესტიაში მოსახლეობისთვის ელექტროენერგიის მიწოდება აღდგენილია.
