თბილისი, 24 დეკემბერი — Sputnik. მამა-შვილის დაჭრაში ეჭვმიტანილი ამ დროისთვის დაკავებულია, ამის შესახებ „Sputnik-საქართველოს" შინაგან საქმეთა სამინისტროს პრეს–სამსახურში განუცხადეს.
როგორც უწყებაში განმარტავენ, დაკავებულია 35 წლამდე ასაკის მამაკაცი. მათივე ინფორმაციით, მომხდართან დაკავშირებით გამოძიება სიხლის სამართლის კოდექსის 117-ე მუხლის მეშვიდე ნაწილით აღიძრა, რაც 9–დან 12 წლამდე თავისუფლების აღკვეთას ითვალისწინებს.
მამა-შვილი ბათუმში 23 დეკემბერს, თამარის დასახლებაში ცივი იარაღით დაჭრეს. თავდაპირველად ისინი ბათუმის რეფერალურ ჰოსპიტალში გადაიყვანეს, საავადმყოფოდან წუხელ გაეწერნენ და ამ ეტაპზე მკურნალობის კურსს სახლში გადიან.
