თბილისი, 23 დეკემბერი — Sputnik. სამი ადამიანი, მათ შორის ერთი საქართველოს მოქალაქე დაიღუპა სტავროპოლიეში (რუსეთი) მომხდარი ავტოავარიის დროს, იუწყება РИА Новости.
არსებული ინფორმაციით, ერთმანეთს შეეჯახა „გაზელის“ ტიპის სატვირთო და Mercedes-ის მარკის მიკროავტობუსი.
უბედური შემთხვევა შაბათ დილით მოხდა. წინასწარი ვერსიით, „გაზელის“ მძღოლი შემხვედრ ზოლზე გადავიდა, სადაც შეეჯახა საპირისპიროდ მოძრავ Mercedes-ის მარკის სამგზავრო მიკროავტობუსს, რომელიც ესენტუკი-სტავროპოლის მარშრუტით გადაადგილდებოდა.
თავდაპირველად გავრცელდა ინფომაცია ორი დაღუპულის — „გაზელის“ მგზავრის, 32 წლის საქართველოს მოქალაქისა და Mercedes-ის მგზავრის, მინერალური წყლების 60 წლის მკვიდრის შესახებ. გარდა ამისა, იუწყებოდნენ ექვსი დაშავებულის შესახებ. მოგვიანებით გახდა ცნობილი მესამე დაღუპულისა და 16 დაშავებულის შესახებ.
ცხრა დაშავებული სხვადასხვა სიმძიმის ტრავმებით საავადმყოფოში გადაიყვანეს, დანარჩენები სამედიცინო დახმარების აღმოჩენის შემდეგ სახლში გაუშვეს.
აღძრულია სისხლის სამართლის საქმე (საგზაო მოძრაობის წესების დარღვევა, რამაც ორი ან მეტი ადამიანის სიკვდილი გამოიწვია). დამნაშავეს 7 წლამდე პატიმრობა ემუქრება.
