თბილისი, 22 დეკემბერი — Sputnik. საქართველოს პარლამენტმა ხმათა უმრავლესობით აირჩია თბილისის ექს-მერი დავით ნარმანია ენერგეტიკისა და წყალმომარაგების ეროვნული მარეგულერებელი კომისიის (სემეკი) წევრად.
სემეკის ხუთკაციანი კომისიის კიდევ ერთი წევრი გახდა გოჩა შონია, რომელიც ამ სტრუქტურაში მანამდეც მუშაობდა და უფლებამოსილების ვადა 2017 წლის აგვისტოში ამოეწურა.
ნარმანია და შონია, რომელთა კანდიდატურებიც საქართველოს პარლამენტს დასამტკიცებლად პრეზიდენტმა გიორგი მარგველაშვილმა 14 დეკემბერს წარუდგინა, თანამდებობებზე ექვსი წლის განმავლობაში იმუშავებენ.
