თბილისი, 19 დეკემბერი — Sputnik. საქართველოს შსს-ს თანამშრომლებმა ცხელ კვალზე დააკავეს 25 წლის მამაკაცი, რომელსაც ბრალად ედება აკაკი წერეთლის გამზირზე მდებარე „საქართველოს ბანკის" ფილიალზე ყაჩაღური თავდასხმა, აღნიშნულია უწყების ვებ-გვერდზე განთავსებულ განცხადებაში.
ყაჩაღური თავდასხმა ორშაბათ საღამოს მოხდა. მამაკაცი პისტოლეტით ხელში შეიჭრა ბანკის ფილიალის შენობაში, მოლარე-ოპერატორს მუქარით წაართვა ფული და მიიმალა.
მოპარული ფულის ნაწილი, ასევე დანაშაული იარაღი — პისტოლეტი ნივთმტკიცებად ამოიღეს.
სისხლის სამართლის საქმე აღძრულია სსკ-ის მუხლით „ყაჩაღობა დიდი ოდენობით ნივთის დაუფლების მიზნით", რაც რვიდან 12 წლამდე პატიმრობით ისჯება.
ამ ბოლო კვირაში ეს „საქართველოს ბანკის" ფილიალებზე თავდასხმის უკვე მეორე შემთხვევაა. რამდენიმე დღის წინ დააყაჩაღეს დადიანის ქუჩაზე მდებარე ფილიალი.
