თბილისი, 19 დეკემბერი — Sputnik. ბერლინის მტეროში ასაკოვანი მამაკაცი პისტოლეტით ემუქრებოდა ახალგაზრდა გოგონას და ადგილის დათმობას მოითხოვდა, იუწყება საინფორმაციო სააგენტო РИА Новости ბერლინის ოფიციალურ პორტალზე დაყრდნობით.
პოლიციის ინფორმაციით, ინციდენტი ახლახან, დღის მეორე ნახევარში მოხდა.
„78 წლის მამაკაცი აგრესიულად მოითხოვდა, რომ 25 წლის გოგოს მისთვის ადგილი დაეთმო“, — აცხადებენ თვითმხილველები.
მოხუცმა ახალგაზრდა ქალს პოლიციელად წარუდგინა თავი, შემდეგ კი საყიდლების პარკიდან პისტოლეტი ამოიღო.
საბოლოოდ, მამაკაცი ვაგონიდან ჩავიდა, მაგრამ პოლიციამ ის დააკავა და განყოფილებაში გადაიყვანა. იქ მისი ვინაობა დაადგინეს, იარაღი ჩამოართვეს და შინ გაუშვეს.
პოლიციის ინფორმაციით, ფაქტზე გამოძიება გრძელდება.
