თბილისი, 18 დეკემბერი — Sputnik. საქართველოს ექსპრეზიდენტმა და ოდესის ოლქის ყოფილმა გუბერნატორმა მიხეილ სააკაშვილმა, რომელიც უკრაინის გენერალურ პროკურატურაში გამოცხადდა, დაკითხვა ჩაშალა, იუწყება საინფორმაციო სააგენტო РИА Новости.
სააგენტოს ინფორმაციით, სააკაშვილი, რომელიც უნდა დაკითხულიყო, როგორც დანაშაულებრივ ორგანიზაციებთან კავშირში ეჭვმიტანილი, გენერალური პროკურატურის ვესტიბულში გაესაუბრა ჟურნალისტებს, შემდეგ კი შენობა დატოვა — ისე რომ გამომძიებლებს არ შეხვედრია.
„სააკაშვილმა ჩაშალა საგამოძებო ქმედებები… ის ამ ქმედებების ჩასატარებლად უკრაინის გენერალურ პროკურატურაში იყო დაბარებული, მაგრამ მხოლოდ გამტარ პუნქტზე გამოცხადდა და უარი თქვა საგამოძიებო პროცედურებზე“, განუცხადა პროკურორმა ალექსანდრ გოვორუშჩაკაკმა ტელეარხ 112 Украина-სთან საუბრისას.
მიხეილ სააკაშვილს უწყება უკრაინის გენპროკურატურაში გამოცხადების თაობაზე გუშინ, კვირას ჩაბარდა.
