თბილისი, 18 დეკემბერი — Sputnik. შინაგან საქმეთა სამინისტროს თანამშრომლებმა პროსტიტუციისთვის ადგილის გადაცემის ფაქტზე ახალციხეში სამი პირი ამხილეს, ნათქვამია უწყების მიერ გავრცელებულ განცხადებაში.
11 ნოემბერი 2017, 13:15
გარდა ამისა, აღნიშნულ ფაქტზე სამართალდამცველებმა მოწმის სახით დაკითხეს ახალციხის კაფე-ბარების პერსონალი.
„1976 წელს დაბადებული მ.ი., 1980 წელს დაბადებული მ.ქ. და 1976 წელს დაბადებული დ.ს. დროებით მფლობელობაში არსებულ კაფე-ბარებში, გარკვეული პერიოდის განმავლობაში, გასამრჯელოს სანაცვლოდ, მოქალაქეებს პროსტიტუციისთვის ფართს უთმობდნენ", — აღნიშნულია განცხადებაში.
გამოძიება სსსკ-ის 254-ე მუხლით მიმდინარეობს, რაც გულისხმობს პროსტიტუციისთვის ადგილის ან საცხოვრებლის გადაცემას და ითვალისწინებს ჯარიმას ან ორიდან ოთხ წლამდე ვადით თავისუფლების აღკვეთას.
