თბილისი, 15 დეკემბერი — Sputnik. ათი წლის განმავლობაში აშშ-ის მოქალაქე 9,7 ათასი ქართველი გახდა, ასეთია აშშ-ის შინაგანი უსაფრთხოების დეპარტამენტის ვებ-გვერდზე გავრცელებულ განცხადებაში.
აშშ-ის მოქალაქეობის მიღება შესაძლებელია ორი გზით — დაბადებითა და ნატურალიზაციის გზით.
2007 წლიდან 2016 წლის ჩათვლით ნატურალიზაციის გზით ამერიკელი გახდა 9 745 ქართველი. ყველაზე ნაკლები იყო 2007 წელს — 514 წელი, ხოლო ყველაზე მეტი — 2012 წელს, კერძოდ, 1 271 ადამიანი.
შედარებისთვის, საანგარიშო პერიოდში აშშ-ის მოქალაქე სომხეთის 27 ათასი და აზერბაიჯანის 8 ათასზე მეტი მოქალაქე გახდა.
მთლიანობაში ათი წლის განმავლობაში აშშ-ის მოქალაქეობა 7,4 მილიონმა უცხოელმა მიიღო.
