თბილისი, 11 დეკემბერი — Sputnik. საქართველოს მცხოვრებთა საშუალო ხელფასი უფრო მაღალია, ვიდრე სომხეთსა და აზერბაიჯანში, ამას უკრაინული ანალიტიკური ცენტრ Texty.org.ua-ს მასალები მოწმობს.
სპეციალისტებმა მცხოვრებთა საშუალო ხელფასი გადასახადების გადახდის შემდეგ შეისწავლეს და ევროპული ქვეყნების რეიტინგი შეადგინეს. სულ რეიტინგში ევროპის 24 სახელმწიფო შევიდა.
საქართველო რეიტინგის მე-20 სტრიქონზეა — აქ საშუალო ხელფასი 293 ევროს შეადგენს. შემდეგ მოდიან საქართველოს უახლოესი მეზობლები — სომხეთში „ხელზე“ საშუალოდ 251 ევროს იღებენ, აზერბაიჯანში — 232 ევროს.
თურქეთი, რომლის მოქალაქეები საშუალოდ 528 ევროს იღებენ, მე-12 ადგილს იკავებს, რუსეთმა 474 ევროს ტოლი საშუალო ხელფასით მე-14 ადგილი დაიკავა.
ყველაზე დაბალ ხელფასს ევროპაში უკრაინელები იღებენ — 190 ევროს თვეში. ბოლოდან მეორე ადგილი მოლდოვას უჭირავს (216 ევრო). უღარიბესი ქვეყნების ათეულში ასევე შევიდა ბელარუსი, ყაზახეთი, ალბანეთი, მაკედონია და სერბეთი.
ამ კუთხით ყველაზე მდიდარ ქვეყნებად აღიარებულია შვეიცარია — 4421 ევრო, ასევე ნორვეგია და ისლანდია, სადაც ხელფასი 3400 ევროს აღემატება.
გარდა ამისა, სპეციალისტები აღნიშნავენ, რომ ცხრილში არ შევიდა ჯუჯა-სახელმწიფოები — ლიხტენშტეინი და მონაკო, სადაც ადამიანები თვეში საშუალოდ 5000 ევროს იღებენ.
