თბილისი, 11 დეკემბერი — Sputnik. გორში, ჭალის დასახლებაში მდებარე საცხოვრებელ კორპუსში დედა-შვილი ბინაში გარდაცვლილი მეზობლებმა იპოვეს.
მასმედიით გავრცელებული ინფორმაციით, დედა-შვილის გარდაცვალების მიზეზი, სავარაუდოდ, ბუნებრივი აირის გაჟონვა გახდა.
აღნიშნული ინფორმაცია „Sputnik–საქართველოს" შინაგან საქმეთა სამინისტროს პრესსამსახურში დაუდასტურეს.
უწყების ინფორმაციით, მომხდარზე გამოძიება სსკ-ის 115-ე მუხლით დაიწყო, რაც თვითმკვლელობამდე მიყვანას გულისხმობს და 3 წლამდე ვადით თავისუფლების შეზღუდვით ან 2-დან 4 წლამდე ვადით თავისუფლების აღკვეთით ისჯება.
