თბილისი, 10 დეკემბერი — Sputnik. გარემოს ეროვნული სააგენტო დასავლეთ საქართველოს მოსახლებას მეწყრებისა და ღვარცოფული ნაკადების გააქტიურების საფრთხის შესახებ აფრთხილებს.
სააგენტოს მონაცემებით, უახლოეს დღეებში დასავლეთ საქართველოს მაღალმთიანეთში მოსალოდნელია დიდთოვლობა.
„ჰაერის მაქსიმალური ტემპერატურის მატებისა და 11 დეკემბერს მოსალოდნელი ნალექების გამო 10-12 დეკემბერს მოსალოდნელია მეწყრულ-ღვარცოფული პროცესების გააქტიურება“, — ნათქვამია გარემოს ეროვნული სააგენტოს განცხადებაში.
მიმდინარე კვირაში ამინდის გაუარესებამ დასავლეთ საქართველოში გამოიწვია წყალდიდობები, ზვავი და მეწყრული პროცესები.
უხვმი ნალექის გამო მდინარე ჭიშურა ნაპირებიდან გადმოვიდა, რომელმაც ვანის მუნიციპალიტეტის სოფელ გადიდის საფეხმავლო გზა გაანადგურა და სოფელი ვანს
პრობლემები ხულოშიც შეიქმნა. სოფელ რიყეთში ზვავი ჩამოწვა.
უამინდობის გამო გოდერძის ზამთრის სეზონის გახსნა გადაიდო, რომელიც 9 დეკემბერს იყო დაგეგმილი. სავარაუდოდ, ზამთრის სეზონი 10 დეკემბერს გაიხსნება.
ხულოს მუნიციპალიტეტის ინფორმაციით, სოფლებში თოვლის საფარი 1-1,5 მეტრს აღწევს, გოდერძის უღელტეხილზე კი მან ორ მეტრს გადააჭარბა.
დიდთოვლობის გამო ხულოში არსებული 50 სკოლიდან 43-ში და 20-ვე საბავშვო ბაღში სასწავლო და, შესაბამისად, აღმზრდელობითი პროცესი შეწყდა.
