ქართველ მოსწავლეებს ფსიქოლოგები დაეხმარებიან

© Sputnik / Alexander Imedashviliთბილისის 51-ე საჯარო სკოლა
თბილისის  51-ე საჯარო სკოლა - Sputnik საქართველო
გამოწერა
НовостиTelegram
მას შემდეგ, რაც თბილისის ცენტრში მოსწავლეებს შორის სისხლიანი გარჩევა მოხდა, ხელისუფლება ფსიქოლოგიური დახმარების პროგრამის შემუშავებაზე ალაპარაკდა

თბილისი, 5 დეკემბერი – Sputnik. მოსწავლეებს შორის კონფლიქტების არიდების მიზნით საქართველოს სკოლებში სპეციალური პროგრამები დაინერგება და ფსიქოლოგების შტატი გაიზრდება, განუცხადა ჟურნალისტებს განათლებისა და მეცნიერების მინისტრმა მიხეილ ჩხენკელმა.

სკოლებში ახალი პროგრამების შემუშავების აუცილებლობა ხორავას ქუჩაზე მომხდარი ტრაგიკული შემთხვევის შემდეგ გაჩნდა. სისხლიანი გარჩევის შედეგად ორი მოზარდი დაიღუპა. მკვლელობაში ეჭვმიტანილი ორი მათი თანატოლი დააკავეს.

სპეციალური პროგრამების შემუშავება განათლების სამინისტროსა და შს სამინისტროს ახალი უწყებათაშორისი სამუშაო ჯგუფის ამოცანას წარმოადგენს. ჯგუფი შეიქმნა სასწავლო დაწესებულებებში დანაშაულის პრევენციის მიზნით.

საქართველოს შსს-ს შენობა - Sputnik საქართველო
შს და განათლების სამინისტროები დანაშაულის პრევენციის ერთობლივ სამუშაო ჯგუფს შექმნიან

სპეციალური პროგრამა ითვალისწინებს კონსულტაციებს სრულწლოვანთათვის, ასევე 24-საათიან რეჟიმში ფსიქოლოგიური დახმარების „ცხელი ხაზი“ იმუშავებს.

„ქვეყნის უკლებლივ ყველა სკოლა რომ მოვიცვათ, პროცესში, პროფესიონალებთან ერთად, ჩართულები იქნებიან უმაღლესი სასწავლებლების ფსიქოლოგიის სპეციალობის მაგისტრანტები და დოქტორანტები“, — განაცხადა ჩხენკელმა.

მისი თქმით, პროცესში მშობლებიც ჩაერთვებიან. მინისტრი მიიჩნევს, რომ ისეთი გარემო უნდა შეიქმნას, სადაც ძალადობა და აგრესია მიუღებელი იქნება.

მინისტრის თქმით, ამის მიღწევა შესაძლებელია სწავლის დონის ამაღლებით, ცხოვრების ჯანსაღი წესის დანერგვითა და სპეციალისტების, სკოლის, მანდატურების კომპლექსური მუშაობის შედეგად.

ჩხენკელი შეხვდა ფსიქოლოგებს, რომლებმაც მას მოსწავლეთა შორის ძალადობის პრევენციის კუთხით საკუთარი ხედვა გააცნეს.


ყველა ახალი ამბავი
0