მოქმედების დროა - შსს მოსწავლეებს შორის სისხლიანი გარჩევების შესახებ

© Sputnik / Alexander Imedashviliუფროსკლასელი
უფროსკლასელი - Sputnik საქართველო
გამოწერა
არასრულწლოვანთა აღზრდისა და დანაშაულის პრევენციის კუთხით შს სამინისტრო განათლების სისტემის მნიშვნელოვან როლზე საუბრობს

თბილისი, 3 დეკემბერი — Sputnik. საქართველოს შინაგან საქმეთა სამინისტრო არასრუწლოვანთა დანაშაულის პრევენციას განახორციელებს, ნათქვამია უწყების ვებგვერდზე გავრცელებულ განცხადებაში.

არასრულწლოვანთა შორის დანაშაულის საკითხი აქტუალური თბილისის ცენტრში, 51-ე სკოლის მახლობლად მომხდარი მოზარდების ჩხუბის შემდეგ გახდა, რომლის შედეგად დანით მიყენებული ჭრილობებისგან ორი მოსწავლე დაიღუპა. ამ დროისათვის მკვლელობაში ერთ-ერთი ეჭვმიტანილი დაკავებულია.

საქართველოს პრემიერ-მინისტრი გიორგი კვირიკაშვილი - Sputnik საქართველო
„აქამდე როგორ მივედით?“ - პრემიერ-მინისტრი შეძრწუნებულია თბილისში მომხდარი ტრაგედიით

„შინაგან საქმეთა სამინისტრო განსაკუთრებულ ყურადღებას მიაქცევს არასრულწლოვანთა შორის დანაშაულის პრევენციას და ამ მიზნით სხვა სახელმწიფო უწყებებთან, საზოგადოებასთან და საერთაშორისო ორგანიზაციებთან მჭიდრო თანამშრომლობას. ამავე დროს, არასრულწლოვნებში მსგავსი დანაშაულის შემთხვევაში შინაგან საქმეთა სამინისტრო ადეკვატურ რეაგირებას მოახდენს და ყველა დამნაშავე კანონმდებლობის შესაბამისად დაისჯება“, — ნათქვამია განცხადებაში.

ძალადობასთან ბრძოლას სამინისტრომ მთავარი ამოცანა უწოდა.

 „საქართველოს შინაგან საქმეთა სამინისტრო ძალადობის თითოეულ ფაქტზე უმკაცრეს რეაგირებას მოახდენს. ძალადობის წინააღმდეგ ბრძოლა ჩვენი უმთავრესი ამოცანაა და ყველაფერს გავაკეთებთ იმისთვის, რომ საზოგადოება, განსაკუთრებით არასრულწლოვნები, იყოს დაცული“, — ნათქვამია განხცადებაში.

ამასთან აღნიშნულია, რომ არასრულწლოვანთა დანაშაულის პრევენცია პოლიციისთვის კვლავ ერთ-ერთ გამოწვევას წარმოადგენს.

ადამიანები თბილისის ქუჩებში - Sputnik საქართველო
51-ე სკოლის დირექტორი სკოლის ტერიტორიაზე ჩხუბის დაწყებას უარყოფს

„ამავე დროს, მნიშვნელოვანია თავად საგანმანათლებლო სისტემის როლი არასრულწლოვნების აღზრდაში და მათი ცნობიერების ჩამოყალიბებაში. გასაძლიერებელია საზოგადოების, მათ შორის, პედაგოგების, ფსიქოლოგების და მშობლების ერთობლივი ძალისხმევა ამ მიმართულებით“, — აღნიშნულია განცხადებაში.

ამასთან, შსს-მ განაცხადა მანდატურების ინსტიტუტის სრულყოფის აუცილებლობის შესახებ, რათა მათ შეძლონ სკოლაში დაწყებული კონფლიქტების აღმოფხვრა, რომლებიც მის ფარგლებს გარეთ შეიძლება გაგრძელდეს.

ერთ-ერთი ვერსიით, კონფლიქტი მოზარდებს შორის გოგონას გამო სკოლაში დაიწყო. მანდატურმა მოსწავლეებს შენიშვნა მისცა, ისინი დამშვიდდნენ და სკოლა მშვიდობიანად დატოვეს, შემდეგ კი მეზობელ ქუჩაზე ჩხუბი დაიწყო. საქართველოს განათლებისა და მეცნიერების სამინისტრომ ეს ვერსია უარყო და განაცხადა, რომ სკოლაში მოზარდები მშვიდად იქცეოდნენ.

სხვა ვერსიით, ჩხუბი მეზობელი სკოლების უფროსკლასელებს შორის მოხდა, რასაც რამდენიმე დღის წინ სიტყვიერი დაპირისპირება უძღოდა.


ყველა ახალი ამბავი
0