თბილისი, 30 ნოემბერი — Sputnik. თბილისში, ლუბლიანას ქუჩაზე მცხოვრებ ცოლ-ქმარს შორის მომხდარი ოჯახური კონფლიქტის დროს გამოძახებულ პოლიციელებს მამაკაცმა ცეცხლი გაუხსნა, იუწყება ტელეარხი „იმედი“ (Imedi).
გავრცელებული ინფორმაციით, საპატრულო პოლიცია ქალმა გამოიძახა და ქმრისგან დაცვა ითხოვა.
პოლიციის დანახვაზე მამაკაცმა იარაღიდან სროლა დაიწყო როგორც სამართალდამცველების, ისე მეუღლის მიმართულებით, რასაც პოლიციამ სროლითვე უპასუხა.
ურთიერთსროლის შედეგად დაჭრილია ორივე მეუღლე, რომლებიც სასწრაფო დახმარებამ საავადმყოფოში გადაიყვანა.
შემთხვევის ადგილზე კრიმინალისტები მუშაობენ.
შინაგან საქმეთა სამინისტრო ჯერჯერობით კომენტარეს არ აკეთებს მომხდარზე.
