„თუნდაც, როგორ მოხვდა ჩატაევი საქართველოს ტერიტორიაზე? ეს კითხვები, რა თქმა უნდა, არსებობს და, იმედი მაქვს, უახლოეს დღეებში საზოგადოებას უფრო დეტალური ინფორმაცია წარედგინება ხელისუფლების შესაბამისი ორგანოების მხრიდან“, — აღნიშნა უჩა ნანუაშვილმა ტელეკომპანია „რუსთავი 2“-ის ეთერში გაკეთებულ კომენტარში.
საქართველოს სახელმწიფო უსაფრთხოების სამსახურის უფროსმა ვახტანგ გომელაურმა არ გამორიცხა, იმის შესაძლებლობა, რომ 21-22 ნოემბერს თბილისში ჩატარებული სპეცოპერაციის შედეგად ლიკვიდირებულ პირებს შორის ერთ-ერთი ახმედ ჩატაევი იყოს.
ახმედ ჩატაევი, მეტსახელად „ახმედ ჩეჩენსკი“ ან „ცალხელა ახმედი“ 1980 წელს დაიბადა ჩეჩნეთში. ის და რუსეთის კიდევ ორი მოქალაქე — ისლამ ათაბიევი და ზაურბეკ გუჩაევი 2015 წელს შეერთებულმა შტატებმა იმ პირთა წინააღმდეგ სანქციების სიაში შეიყვანა, რომლებიც ტერორისტულ ორგანიზაციებთან არიან დაკავშირებული.
