ელდარ რიაზანოვის ხსოვნის საღამო თბილისში ქართველ და რუს მსახიობებს შეკრებს

© photo: Sputnik / Ramil Sitdikovელდარ რიაზანოვი
ელდარ რიაზანოვი - Sputnik საქართველო
გამოწერა
ელდარ რიაზანოვის კინოფილმებიდან სიმღერებს ქართველი, რუსი და აზერბაიჯანელი მსახიობები შეასრულებენ

თბილისი, 23 ნოემბერი — Sputnik. რუსეთის გამოჩენილი კინორეჟისორისა და სსრკ-ის სახალხო არტისტის ელდარ რიაზანოვის დაბადებიდან 90 წლის იუბილისადმი მიძღვნილი საღამო ა. გრიბოედოვის სახელობის თბილისის რუსულ დრამატულ თეატრში 5 დეკემბერს გაიმართება.

კონცერტში გაჟღერდება სიმღერები რიაზანოვის კინოფილმებიდან, ასევე მის ლექსებს წაიკითხავენ ქართული ესტრადისა და თეატრის ვარსკვლავები.

საღამოს მონაწილეთა შორის იქნებიან ნანი ბრეგვაძე, ეკა მამალაძე, ირმა სოხაძე, ლიზა ბაგრატიონი, მაია ბარათაშვილი, მსახიობი გურანდა გაბუნია, ლუდმილა არტემოვა-მღებრიშვილი, ირინა მეღვინეთუხუცესი, არჩილ ბარათაშვილი, დავით გველესიანი, დავით ოთიაშვილი და ა.შ.

ცნობილი მსახიობი ჩულპან ხამატოვა - Sputnik საქართველო
მსახიობი ჩულპან ხამატოვა თბილისში დეკემბერში წარდგება

ღონისძიების სპეციალური სტუმრები იქნებიან — რუსეთის სახალხო არტისტი, მსახიობი სვეტლანა ნემოლიაევა შვილიშვილთან, მაიაკოვსკის სახელობის თეატრის მსახიობ პოლინა ლაზარევასთან ერთად, ცნობილი ქართველი რეჟისორი და სსრკ-ის სახალხო არტისტი ელდარ შენგელია და აზერბაიჯანის სახალხო არტისტი ლუდმილა დუხოვნაია.

ღონისძიების ორგანიზატორია საერთაშორისო კულტურულ-საგანმანათლებლო კავშირი „რუსკი კლუბი" „ვითიბი" ბანკის მხარდაჭერით. ღონისძიების საინფორმაციო მხარდამჭერია „Sputnik საქართველო", საღამო 19:00 საათზე დაიწყება. ღონისძიებაზე შესვლა მოსაწვევი ბარათებით ხდება.

როგორც Sputnik-ს ორგანიზატორებმა განუცხადეს, თითოეული მაყურებელი საჩუქრად რიაზანოვის ლექსების კრებულს მიიღებს, რომელიც „რუსკი კლუბმა" სპეციალურად რეჟისორის იუბილისთვის გამოსცა.

ყველა ახალი ამბავი
0