თბილისი, 21 ნოემბერი — Sputnik. ჩინეთის მოსახლეობის რაოდენობამ 1 მლრდ 399 მლნ კაცს მიაღწია, სწორედ ამდენი მოქალაქეა დარეგისტრირებული მოსახლეობის საერთო ეროვნულ მონაცემთა ბაზაში, იუწყება საინფორმაციო სააგენტო РИА Новости ჩინეთის სამოქალაქო უსაფრთხოების სამინისტროზე დაყრდნობით.
სააგენტო „სინხუას“ ინფორმაციით, ამ დროისათვის დასრულებულია ერთიანი ეროვნული მონაცემთა ბაზის ფორმირება, რომელშიც ქვეყნის თითოეული მოქალაქის მონაცემები ინახება. ბაზაში რეგისტრაცია მხოლოდ პირადობის მოწმობის ნომრის მიხედვითაა შესაძლებელი.
აღნიშნული მონაცემთა ბაზა სოციალური სერვისების — მათ შორის, პენსიების, სამედიცინო დაზღვევისა და ქორწინების რეგისტრაციის ადმინისტრირების მიზნით შეიქმნა. სამუშაოში, სამოქალაქო უსაფრთხოების სამინისტროსთან ერთად, მონაწილეობდნენ განათლების, ადამიანური რესურსებისა და სოციალური უსაფრთხოების, სამოქალაქო ადმინისტრაციის სამინისტროები.
