თბილისი, 18 ნოემბერი — Sputnik. ქეთევან დედოფლის წმინდა ნაწილები ამ დროისთვის ზუგდიდში იმყოფება, იუწყება ტელეკომპანია „იმედი“ (Imedi).
წმინდა ნაწილები ზუგდიდის ივერიის ყოვლადწმინდა ღვთისმშობლის სახელობის მშენებარე ტაძარში გადააბრძანეს, სადაც ზუგდიდისა და ცაიშის მიტროპოლიტმა მეუფე გერასიმემ საზეიმო პარაკლისი აღავლინა.
ზუგდიდის ეპარქიაში წმინდა ნაწილები ექვსი დღის განმავლობაში დარჩება, 20 ნოემბერს კი სენაკის და ჩხოროწყუს ეპარქიაში გადააბრძანებენ.
ქეთევან დედოფლის წმინდა ნაწილები ინდოეთიდან საქართველოში 23 სექტემბერს ჩამოასვენეს. —კათოლიკოს-პატრიარქის ილია მეორის ლოცვა-კურთხევით სიწმინდემ მთელი საქართველო უნდა მოიაროს. იგი საქართველოში ექვსი თვის განმავლობაში დარჩება.
ქეთევან წამებულის წმინდა ნაწილები უკვე იმყოფებოდა სამცხეთ-ჯავახეთსა და კახეთში.
