თბილისი, 16 ნოემბერი — Sputnik. საქართველოს ფინანსთა სამინისტროს შემოსავლების სამსახურის თანამშრომლებმა საბაჟო-საკონტროლო პუნქტზე,,სადახლო-საავტომობილო" 3540 ღერი არადეკლარირებული სიგარეტის უკანონოდ შემოტანის ორი ფაქტი აღკვეთეს, იუწყება ფინანსთა სამინისიტროს შემოსავლების სამსახური.
მებაჟეებმა არადეკლარირებული საქონელი სკანერის მეშვეობით სომხეთის ორი მოქალაქის სხეულის დათვალიერების შედეგად გამოავლინეს.
საქართველოს საგადასახადო კოდექსის 289-ე მუხლის მე-14 ნაწილის შესაბამისად, კანონდამრღვევ მოქალაქეებს ჩამოერთვათ არადეკლარირებული საქონელი და თითოეულს შეეფარდა ფულადი ჯარიმა ათასი ლარის ოდენობით.
