თბილისი, 4 დეკემბერი – Sputnik. „კარწახის“ საბაჟო-გამშვებ პუნქტზე მებაჟეებმა სამგზავრო ავტობუსში WINSTON-ის ფირმის არადეკლარირებული 14,994 კოლოფი სიგარეტი ამოიღეს, იუწყება ფინანსთა სამინისტროს პრესსამსახური.
„ტვირთი ავტობუსის ცარიელ ავზში და სათადარიგო საბურავისათვის განკუთვნილ ადგილზე იყო შენახული, რომელიც საქართველოდან თურქეთში მიდიოდა“, — ნათქვამია უწყების მიერ გავრცელებულ განცხადებაში პარასკევს, 4 დეკემბერს.
შემდგომი რეაგირებისათვის მასალები ფინანსთა სამინისტროს საგამოძიებო სამსახურს გადაეცა.
