თბილისი, 13 ნოემბერი — Sputnik. კოსტა-რიკაში მიწისძვრა მოხდა, რასაც, სულ ცოტა, სამი ადამიანი ემსხვერპლა, იუწყება საინფორმაციო სააგენტო РИА Новости ქვეყნის საზოგადოებრივი უსაფრთხოების სამინისტროზე დაყრდნობით.
ბოლო მონაცემებით, ბიძგების მაგნიტუდამ 6,6 შეადგინა. ტელეარხი Teletica იუწყება, რომ ორი ადამიანი დაიღუპა ქალაქ ჟაკოში, ხოლო კიდევ ერთი — კორონადოში. ამასთან, ცნობილია, რომ სამივე მიწისძვრის ნიადაგზე შიშის გამო გულის შეტევით გარდაიცვალა.
ქვეყნის ზოგიერთ რაიონში მიწისძვრის შედეგად დაზიანდა ელექტროგადამცემი ხაზები, წაიქცა ბოძები, კეპოსის რაიონში შეწყდა ელექტროენერგიის მიწოდება. ეროვნულ უნივერსიტეტთან არსებულმა ცუნამის მონიტორინგის ეროვნულმა სისტემამ ბიძგების შემდეგ ცუნამის გაჩენის საშიშროება უარყო.
