თბილისი, 6 ნოემბერი — Sputnik. რუსთავში, მეგობრობის გამზირზე, ერთ-ერთ საცხოვრებელ სახლთან ახალგაზრდა მამაკაცის ცხედარი იპოვეს, იუწყება საინფორმაციო სააგენტო Новости-Грузия საქართველოს შინაგან საქმეთა სამინისტროს პრეს-სამსახურზე დაყრდნობით.
წინასწარი ინფორმაციით, მამაკაცი ადგილობრივი მცხოვრებია, გარდაცვლილის სხეულზე ძალადობის კვალი არ აღინიშნება.
ცხედარი ექსპერტიზაზეა გაგზავნილი. სიკვდილის გამომწვევი მიზეზი მოგვიანებით გახდება ცნობილი.
გამოძიება აღიძრა სსკ-ის 115-ე მუხლით – "თვითმკვლელობამდე მიყვანა", რაც 3 წლამდე ვადით თავისუფლების შეზღუდვას ან 2-დან 4 წლამდე ვადით თავისუფლების აღკვეთას ითვალისწინებს.
