თბილისი, 30 ოქტომბერი — Sputnik. ბელარუსმა სინოპტიკოსებმა ორშაბათსა და სამშაბათს საფრთხის ნარინჯისფერი დონე გამოაცხადეს – ქვეყანაში ქარიშხალი „გერვარტი" შეიჭრა, იუწყება „Sputnik–ბელარუსი".
ქარიშხალი „გერვარტი" გასულ უქმეებზე ევროპაში მძვინვარებდა, მის გამო შვეიცარიაში, უნგრეთსა და სლოვაკეთში დიდი თოვლი მოვიდა, ხოლო გერმანიაში, ჩეხეთსა და პოლონეთში ქარიშხალმა სერიოზული ნგრევები გამოიწვია. უამინდობამ ექვსი ადამიანი იმსხვერპლა.
ორშაბათ დილით „გერვარტი" ბელარუსამდე მივიდა. სინოპტიკოსებმა მოსახლეობა მანამდე გააფრთხილეს უამინდობის შესაძლო შედეგების შესახებ და საშიშროების ნარინჯისფერი დონე გამოაცხადეს. ეს დონე ბოლოსწინა დონეა. ქარის სიჩქარემ შესაძლოა წამში 24 მეტრს მიაღწიოს.
საშიშროების ნარინჯისფერი დონე შენარჩუნდება სამშაბათსაც. ქარიშხლის გარდა, ზოგან შესაძლებელია ნალექიც – სველი თოვლი და წვიმა. ბელარუსის შემდეგ ქარიშხალი რუსთისკენ გადაინაცვლებს და შემდეგ თანდათანობით შესუსტდება.
