კულინარმა ნათია მონტგომერიმ Sputnik-საქართველოს ღორის შებოლილი ნეკნებისათვის გემრიელი გარნირის მომზადების რეცეპტი გაუზიარა.
სველი მასის მოსამზადებლად დაგჭირდებათ: ხორბლის ფქვილი 1/2 ჭიქა; სიმინდის ფქვილი 1/3 ჭიქა; ნივრის ფხვნილი 1 ჩ.კ. ან ნივრის 1 ც. დანაყული კბილი; პაპრიკა 2 ჩ.კ.; მარილი 1 ჩ.კ.; პილპილი 1 ჩ.კ.; ლუდი 400 გრ.
სველი მასის მომზადება: ღრმა ჭურჭელში მოათავსეთ ყველა მშრალი ინგრედიენტი, კარგად აურიეთ ერთმანეთში, დაასხით ლუდი, კიდევ მოურიეთ და ათქვიფეთ ერთგვაროვანი მასის მიღებამდე.
მშრალი მასის მოსამზადებლად დაგჭირდებათ: ხორბლის ფქვილი 2 ჭიქა; პაპრიკა 4 ჩ.კ., ნივრის ფხვნილი 1 ჩ.კ., დაფქული წითელი მწარე წიწაკა 1/4 ჩ.კ.
მშრალი მასის მომზადება: ღრმა ჭურჭელში მოათავსეთ ყველა ინგრედიენტი და კარგად აურიეთ ერთმანეთში.
ხახვი დაჭერით 1 სმ სისქის რგოლებად. რგოლები დააცალკევეთ.
სოუსის მოსამზადებლად დაგჭირდებათ: მაიონეზი 1/2½ ჭიქა; კეტჩუპი 2 ჩ.კ.; პირშუშხა (ხრენი) 2 ჩ.კ.; პაპრიკა 1/4 ¼ ჩ.კ.; მარილი 1/4 ¼ ჩ.კ.; ორეგანო 1/8 ჩ,კ, დაფქული წითელი მწარე წიწაკა და შავი პილპილი.
სოუსის მომზადება: ღრმა წურჭელში მოათავსეთ ყველა ინგრედიენტი და კარგად აურიეთ ერთმანეთში.
ქვაბის 1/4 ჩაასხით კარგი ხარისხის ზეთი და გააცხელეთ. ხახვის რგოლები ჯერ ამოავლეთ სველ ლუდის მასაში, შემდეგ — მშრალში, ჩაყარეთ ზეთიან ქვაბში და შეწვით 2-3 წუთის განმავლობაში. ოქროსფრად რომ დაიბრაწება, ქვაბიდან ამოიღეთ.
