თბილისი, 16 ოქტომბერი — Sputnik. საქართველოს სამხედრო გზაზე ტრანსპორტის მოძრაობა უამინდობის გამო შეზღუდულია, ნათქვამია საავტომობილო გზების დეპარტამენტის განცხადებაში.
კერძოდ, დიდთოვლობის გამო მცხეთა-სტეფანწმინდა-ლარსის ავტომაგისტრალის 71-106 კმ-ზე აკრძალულია მისაბმელიანი და ნახევრად მისაბმელიანი ტრანსპორტის მოძრაობა, ხოლო დარიალის ხეობაში (მაგისტრალის 134-135-ე კმ) — ტრანსპორტის გაჩერება.
შეზღუდვები ასევე დაწესებულია მაგისტრალის სხვა მონაკვეთებზეც. ქუთაისი-წყალტუბო-ცაგერი-ლენტეხი-ლასდილის გზაზე კლდოვანი ზვავის ჩამოწოლის გამო, აკრძალულია ტრანსპორტის მოძრაობა. გზის სხვა მონაკვეთებზე მოძრაობა თავისუფალია.
ასევე აკრძალულია მოძრაობა ყველა ტიპის ტრანსპორტისთვის ზუგდიდი-ჯვარი-მესტია-ლასდილის 188-198-ე და 142-157-ე კმ-ზე. გზის სხვა მონაკვეთებზე მოძრაობა თავისუფალია.
