თბილისი, 16 ოქტომბერი — Sputnik. თბილისი-ბაკურციხე-ლაგოდეხის საავტომობილო გზის 26-ე კილომეტრზე მომხდარი ავტოავარიის შედეგად ორი ახალგაზრდა ქალი დაიღუპა, იუწყება სააგენტო Новости-Грузия შსს-ს პრეს-სამსახურზე დაყრდნობით.
ერთმანეთს ორი მსუბუქი ავტომობილი (Nissan-ის და BMW-ს მარკის) შეეჯახა. ერთი ახალგაზრდა ქალი შემთხვევის ადგილზე დაიღუპა, მეორე კი საავადმყოფოში მიყვანისთანავე. გარდა ამისა, ავტოავარიის შედეგად შვიდი ადამიანი დაშავდა.
გამოძიება ტრანსპორტის მოძრაობის უსაფრთხოების ან ექსპლუატაციის წესის დარღვევის ფაქტზე მიმდინარეობს, რამაც ორი ან მეტი ადამიანის სიცოცხლის მოსპობა გამოიწვია (საქართველოს სსკ-ის 276-ე მუხლის 7-ე ნაწილით)
