ავტობუსების გაჩერებებზე საინფორმაციო ტაბლოები გათიშულია

© Sputnik / Alexander Imedashviliავტობუსი გაჩერებაზე
ავტობუსი გაჩერებაზე - Sputnik საქართველო
გამოწერა
НовостиTelegram
აღსანიშნავია, რომ ეს პირველი შემთხვევა არ არის, როდესაც თბილისში არსებული 1000-ზე მეტი საინფორმაციო ელექტროტაბლო არ მუშაობს.

თბილისი, 18 სექტემბერი — Sputnik. თბილისში, ავტობუსების გაჩერებებზე დამონტაჟებული ელექტროტაბლოები ტექნიკური გაუმართავობის გამოა გათიშული, ნათქვამია „თბილისის სატრანსპორტო კომპანიის“ ვებგვერდზე.

ავტობუსის გაჩერება თბილისში - Sputnik საქართველო
ავტობუსების გაჩერებებზე საინფორმაციო ტაბლოები ისევ გათიშულია

განცხადებაში აღნიშნულია, რომ ტექნიკური ხარვეზის გამო მგზავრებისთვის დროებით მიუწვდომელია სატრანსპორტო კომპანიის რამდენიმე სერვისი: გამორთულია გაჩერებებზე არსებული ტაბლოები, ვებ-გვერდსა და მობილურ აპლიკაციებში არ მუშაობს რამდენიმე ფუნქცია — ტაბლოს ინფორმაცია, ავტობუსი რეალურ დროში.

„სატრანსპორტო კომპანიის ტექნიკური ჯგუფი ინტენსიურად მუშაობს ხარვეზის გამოსასწორებლად და დღის განმავლობაში ეტაპობრივად მოხდება ყველა სერვისის აღდგენა“, — ნათქვამია სატრანსპორტო კომპანიის განცხადებაში.

აღსანიშნავია, რომ ეს პირველი შემთხვევა არ არის, როდესაც თბილისში არსებული 1000-ზე მეტი საინფორმაციო ელექტროტაბლო არ მუშაობს. მიმდინარე წლის ზაფხულში სატრანსპორტო კომპანიის ტაბლოები ორჯერ იყო გათიშული რამდენიმე დღით.

ყველა ახალი ამბავი
0