თბილისი, 13 სექტემბერი — Sputnik. თბილისში რუსეთის მოქალაქის ანდრეი ხაირულინის ძარცვის ბრალდებით სამი ადამიანი დააკავეს, აღნიშნულია საქართველოს შინაგან საქმეთა სამინისტროს პრეს-სამსახურის განცხადებაში.
გამოძიებამ დაადგინა, რომ ბრალდებულები 7 სექტემბერს რუსეთის მოქალაქეს ყაჩაღურად დაესხნენ თავს, ხოლო შემდეგ დანაშაულის ადგილიდან მიიმალნენ. პოლიციამ ბრალდებულები თბილისში დააკავა და ამოიღო 3,5 ათასი აშშ დოლარი, 700 ევრო და 550 ლარი.
ბრალდებულებმა აღიარეს დანაშაული. გამოძიება მიმდინარეობს სსკ-ის 178-ე მუხლით „ძარცვა".
მანამდე სოციალურ ქსელებში მომხდარის რამდენიმე ვერსია გავრცელდა. ერთი ვერსიით, ხაირულინი რუსეთიდან უბრალო ტურისტი არ ყოფილა, არამედ ის უკვე რამდენიმე თვე იმყოფებოდა საქართველოში და სათამაშო ბიზნესით იყო დაკავებული.
