თბილისი, 12 სექტემბერი — Sputnik. "ირმა" ქარიშხლიდან შტორმად გადაიქცა და ტროპიკული დეპრესიის დონემდე შესუსტდა, იუწყება აშშ-ის ეროვნული ცენტრი ქარიშხლების შესახებ გაფრთხილების საკითხებში (NHC).
"ირმა“ ტროპიკული დეპრესიის დონემდე შესუსტდა. ძლიერი წვიმა გრძელდება აშშ-ის სამხრეთ–აღმოსავლეთში", — იუწყება NHC.
ახლა ის ჩრდილო-დასავლეთისკენ 24 კმ/სთ სიჩქარით მოძრაობს.
ქარიშხალი "ირმა" ფლორიდის სამხრეთ-დასავლეთ ნაწილს კვირა საღამოს დაატყდა თავს. სტიქია ასევე შეეხო მეზობელ შტატებს — ალაბამას, ჯორჯიას, სამხრეთ და ჩრდილოეთ კაროლინას. მანამდე ქარიშხალმა კატასტროფული შედეგები გამოიწვია კარიბის აუზის ქვეყნებში, სადაც ათეულობით ადამიანი დაიღუპა.
