თბილისი, 11 სექტემბერი — Sputnik. ვენის ინტერპოლის მიერ 2016 წლიდან ძებნილი პირი, რომელსაც არასრულწლოვანთან სექსუალური კავშირის დასამყარებლად უფლებამოსილების ბოროტად გამოყენება ედება ბრალად, საქართველო-თურქეთის საზღვარზე — სარფის საბაჟოზე დააკავეს, იუწყება შინაგან საქმეთა სამინისტროს პრეს-სამსახური.
1963 წელს დაბადებულ დაკავებულს ბრალი ედება ავსტრიის რესპუბლიკის სისხლის სამართლის კოდექსის 83-ე, 99-ე, 105-ე, 107-ე მუხლებით გათვალისწინებული დანაშულის ჩადენაში, რაც სხეულის დაზიანებას, თავისუფლების უკანონო აღკვეთას და არასრულწლოვანთან სექსუალური კავშირის დასამყარებლად უფლებამოსილების ბოროტად გამოყენებას გულისხმობს.
სამინისტროს ინფორმაციით, ამჟამად დაკავებულის მიმართ მიმდინარეობს კანონით გათვალისწინებული წინასაექსტრადიციო პროცედურები.