საერთაშორისო სავალუტო ფონდი საქართველოს მთავრობის ეკონომიკურ პოლიტიკას მხარს უჭერს

© FB / Ministry of Finance of Georgiaდიმიტრი ქუმსიშვილი
დიმიტრი ქუმსიშვილი - Sputnik საქართველო
გამოწერა
Yandex newsTelegram
საქართველოს ფინანსთა მინისტრმა საერთაშორისო სავალუტო ფონდს მხარდაჭერისა და ტექნიკური დახმარებისთვის მადლობა გადაუხადა.

თბილისი, 11 სექტემბერი — Sputnik.  საერთაშორისო სავალუტო ფონდის (სსფ) ახლო აღმოსავლეთისა და ცენტრალური აზიის დეპარტამენტის დირექტორმა ჯიჰად აზურმა თბილისში ვიზიტის დროს საქართველო ეკონომიკური პოლიტიკისთვის შეაქო, ნათქვამია საქართველოს ფინანსთა სამინისტროს ვებ-გვერდზე.

 „სავალუტო ფონდის მხარდაჭერა საქართველოსთვის ძალიან მნიშვნელოვანია. როგორც პრემიერ-მინისტრთან, ისე მთავრობის ეკონომიკურ გუნდთან და ეროვნულ ბანკთან შეხვედრებზე დეტალურად განვიხილეთ 4-პუნქტიანი გეგმის მიმდინარეობა და პროგრესი, რომელიც გვაქვს ჩვენი ქვეყნის განვითარების მიმართულებით,“ — განაცხადა საქართველოს ფინანსთა მინისტრმა  დიმიტრი ქუმსიშვილმა.

მისი სიტყვებით, სავალუტო ფონდიდან მიღებული პროგრამა, პრაქტიკულად, მთავრობის 4-პუნტიანი გეგმის მხარდაჭერის პროგრამაა. 

ტრიბუნა საქართველოს მთავრობის ადმინისტრაციაში - Sputnik საქართველო
ვიცე-პრემიერი საქართველოს ეკონომიკურ პოლიტიკას ჯიჰად აზურთან განიხილავს

„სწორედ სავალუტო ფონდის მხარდაჭერით გვაქვს შესაძლებლობა, რომ დონორი ორგანიზაციებიდან აღნიშნული გეგმის განსახორციელებლად საჭირო თანხა მოვიზიდოთ“, — აღნიშნა ქუმსიშვილმა.

მინისტრმა სავალუტი ფონდს მხარდაჭერისა და ტექნიკური დახმარებისთვის მადლობა გადაუხადა.

გარდა ამისა, აზურმა  საქართველოს პრემიერ-მინისტრ გიორგი კვირიკაშვილთან გამართა შეხვედრა, რომელზეც მხარეებმა მომავალ საპენსიო რეფორმაზე იმსჯელეს.

საპენსიო რეფორმის ამოქმედებამდე მომზადდება საკანონმდებლო ცვლილებები და უზრუნველყოფილი იქნება აუცილებელია ინსტიტუციური და ტექნიკური ინფრასტრუქტურა.

 

ყველა ახალი ამბავი
0