თბილისი, 8 სექტემბერი — Sputnik. ლენტეხი-ბავარის საავტომობილო გზის მე-12 და მე-18 კმ-ზე ყველა სახის ავტოტრანსპორტის მოძრაობა იკრძალება, აღნიშნულია საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტის მიერ გავრცელებულ განცხადებაში.
განცხადებაში ასევე ნათქვამია, რომ ძლიერი წვიმების გამო შიდასახელმწიფოებრივი მნიშვნელობის ლენტეხი-ბავარის საავტომობილო გზის მონაკვეთებზე არსებულ სახიდე გადასასვლელებს მისასვლელი გზა გამოერეცხა, რის გამოც აღნიშნულ მონაკვეთზე ყველა სახის ავტოტრანსპორტის მოძრაობა იკრძალება.
ამავე გზის 1–11 კმ და 19–24 კმ მონაკვეთებზე ავტოტრანსპორტის მოძრაობა თავისუფალია.