თბილისი, 8 სექტემბერი — Sputnik. საქართველოს ცენტრალურმა საარჩევნო კომისიამ (ცესკო) საარჩევნო ბლოკების რეგისტრაციის შესახებ 5 განაცხადი მიიღო, საიდანაც ორი უკვე დაკმაყოფილებულია.
ბლოკების რეგისტრაციისთვის განაცხადების მიღება პარასკევს დასრულდა, იუწყება საინფორმაციო სააგენტო Новости-Грузия ცესკოს პრესსპიკერ ანა მიქელაძეზე დაყრდნობით.
უკვე რეგისტრირებულია საარჩევნო ბლოკი "ბაქრაძე, უგულავა — ევროპული საქართველო" და საარჩევნო ბლოკი "გიორგი ვაშაძე — ერთობა ახალი საქართველო".
რეგიისტრაციის პროცესშია "ერთიანი ნაციონალური მოძრაობის" განაცხადი, რომელიც საარჩევნო ბლოკს ქმნის შოთა მალაშხიას "საქართველოს ქრისტიან-კონსერვატიულ პარტიასთან" და ბაჩუკი ქარდავას "ეროვნულ-დემოკრატიულ პარტიასთან".
ასევე რეგისტრაციის პროცესშია საარჩევნო ბლოკი — "დიმიტრი ლორთქიფანიძე, კახა კუკავა — დემოკრატიული მოძრაობა — თავისუფალი საქართველოს" განაცხადი და საარჩევნო ბლოკი სახელწოდებით "სახალხო — ხალხის ერთსულოვნება".
საქართველოში ადგილობრივი თვითმმართველობის არჩევნები 21 ოქტომბერს ჩატარდება.
