თბილისი, 8 სექტემბერი — Sputnik. თბილისის აეროპორტის გზაზე ავტოსაგზაო შემთხვევის შედეგად ექვსი ადამიანი დაშავდა, იუწყება ტელეკომპანია „TV პირველი“.
გავრცელებული ინფორმაციით, ერთმანეთს სამი ავტომობილი შეეჯახა.
შემთხვევის ადგილზე მობილიზებულია სახანძრო, სამედიცინო და საპატრულო ეკიპაჟები.
მომხდარ ფაქტზე გამოძიება საქართველოს სისხლის სამართლის კოდექსის 276-ე მუხლის პირველი ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს და ისჯება ჯარიმით ან თავისუფლების შეზღუდვით ვადით სამ წლამდე ანდა თავისუფლების აღკვეთით იმავე ვადით.