თბილისი, 5 სექტემბერი — Sputnik. საქართველოს პარლამენტმა გაჯეტების გამოყენების ხარჯზე ქაღალდის მოხმარება 60%-ით შეამცირა, დაწერა პარლამენტის ვიცე-სპიკერმა თამარ ჩუგოშვილმა Facebook-ის საკუთარ გვერდზე.
საკანონმდებლო ორგანომ მუშაობა სამშაბათს განაახლა. საშემოდგომო სესია ბიურის სხდომით გაიხსნა. მომავალი პლენარული სხდომის დღის წესრიგის ამონაბეჭდების ნაცვლად დეპუტატებს თანამედროვე ელექტრონული გაჯეტები დახვდათ.
„დღეს პირველად ბიუროს დარბაზი აღიჭურვა ელექტონული საშუალებებით, ხოლო პლენარული დარბაზის სრულ აღჭურვამდე მნიშვნელოვნად შევამცირეთ ფურცლების რაოდენობა და გავზარდეთ ელექტრონული მიმოცვლა დოკუმეტების, რაც ქაღალდის მოხმარებას დაახლოებით 60%-ით შეამცირებს, შესაბამისად, ხარჯს და ხეების განადგურებას. მადლობა პარლამენტის აპარატს!" — დაწერა ჩუგოშვილმა.
მან აღნიშნა, რომ პარლამენტი წელიწადში დაახლოებით 10 000 შეკვრა ფურცელს მოიხმარდა, რაც 60 000 ლარის ხარჯს უდრიდა.
