თბილისი, 4 სექტემბერი — Sputnik. „Sputnik-საქართველოს" მკითხველთა უმრავლესობა მიიჩნევს, რომ ჭიაკოკონობის ტრადიცია საერთოდ დავიწყებას უნდა მიეცეს. ამაზე მეტყველებს ახალი ამბების სააგენტოს ვებ-გვერდზე ჩატარებული გამოკითხვის შედეგები.
კითხვაზე, "იღებთ თუ არა მონაწილეობას ჭიაკოკონობაში", მკითხველთა 35,7%-მა უპასუხა, რომ ეს ტრადიცია საერთოდ დავიწყებას უნდა მიეცეს. ლამაზ ტრადიციად მიჩნია ჭიაკოკონობა 32,1%-ს.
ჭიაკოკონობაში მონაწილეობს, როცა ამის საშუალება აქვს, მკითხველთა 17,9%, ხოლო არ მონაწილეობს, რადგან ეს წარმართული ტრადიციაა 14,3%.
ჭიაკოკონობა უძველესი, ქრისტიანობამდელი ქართული რიტუალია — ცეცხლით განწმენდის დღეობა. იმართება აღდგომამდე დიდ ხუთშაბათს ან დიდი ხუთშაბათის წინა საღამოს, ასევე მარიამობის დღესასწაულის წინა საღამოს. სამეგრელოში მას "ჭეჭეთობა" ეწოდება.