თბილისი, 3 სექტემბერი — Sputnik. ტყის ხანძრების ჩაქრობის მისიის დასრულების შემდეგ საგანგებო სიტუაციების უკრაინის სახელმწიფო სამსახურის თვითმფრინავი ოდესაში დაბრუნდა, იუწყება РИА Новости საგანგებო სიტუაციების სახელმწიფო სამსახურზე დაყრდნობით.
უკრაინის თვითმფრინავი აბასთუმნის ტყეში გაჩენილი ხანძრის ჩაქრობაში მონაწილეობდა. გარდა ამისა, ამ ხანძრის ჩაქრობაში აზერბაიჯანისა და თურქეთის ავიაციაც მონაწილეობდა.
„ოდესის" საერთაშორისო აეროპორტში ჩამოფრინდა საგანგებო სიტუაციების უკრაინის სახელმწიფო სამსახურის თვითმფრინავი Ан-32П, რომელმაც საქართველოს მთიან ტერიტორიაზე ტყის ხანძრების ჩაქრობის მასზე დაკისრებული მისია დაასრულა", — ნათქვამია უწყების ვებგვერდზე გამოქვეყნებულ განცხადებაში.
ხანძრის ჩაქრობაში მონაწილეობდა თურქეთი, აზერბაიჯანი, სომხეთი და ბელარუსი. დახმარების მზადყოფნა რუსეთმაც გამოთქვა.
