თბილისი, 2 სექტემბერი — Sputnik. საქართველოს ფეხბურთის ახალგაზრდულმა ნაკრებმა (U-21) ევრო-2019-ის შესარჩევი ციკლის სასტარტო მატჩში გორში პოლონეთის გუნდთან ანგარიშით 0:3 წააგო.
მიუხედავად იმისა, რომ შეხვედრის პირველ ნახევარში ორივე კართან სახიფათო მომენტები შიქმნა, შესვენებამდე ანგარიში არ გახსნილა.
მეორე ტაიმი გია გეგუჩაძის აღსაზრდელებმა აქტიურად დაიწყეს, თუმცა 58-ე წუთზე მასპინძლის კარში საკმაოდ საკამათო პენალტი დაინიშნა, რომელიც დავიდ კოვნაცკიმ განახორციელა.
ამ ეპიზოდის შემდეგ საქართველოს ნაკრებმა ფარ-ხმალი დაყარა და რამდენიმე წუთში მეორე გოლიც გაუშვა. თავი ისევ კოვნაცკიმ გამოიჩინა.
საბოლოო ანგარიში 71-ე წუთზე ბარტოშ კაპუსტკამ დაამყარა.
ამ გამარჯვების შემდეგ პოლონეთი დანიასთან ერთად მესამე შესარჩევ ჯგუფში ლიდერობს.
მომდევნო მატჩს საქართველოს ნაკრები გასვლაზე დანიის წინააღმდეგ გამართავს. თამაში ოლბორგში 5 ოქტომბერს ჩატარდება.