თბილისი, 1 სექტემბერი — Sputnik. საქართველოს ფინანსთა სამინისტროს საგამოძიებო სამსახურის თანამშრომლებმა უაქციზო სიგარეტისა და ალკოჰოლური სასმელების შენახვაში, გადატანასა და რეალიზებაში ორი ადამიანი ამხილეს, აღნიშნულია უწყების ვებ-გვერდზე განთავსებულ განცხადებაში.
სამეგრელო-ზემო სვანეთის რეგიონში აღმოაჩინეს და ამოიღეს 3,6 ათას ლარზე მეტი ღირებულების უაქციზო სიგარეტი, ხოლო კახეთში — 3,9 ათას ლარამდე ღირებულების ალკოჰოლური სასმელები.
სისხლის სამართლის საქმე აღძრულია სსკ-ის მუხლით "დიდი ოდენობით მარკირებას დაქვემდებარებული აქციზური საქონლის აქციზური მარკის გარეშე გამოშვება, შენახვა, რეალიზაცია ან გადაზიდვა", რაც ორიდან ოთხ წლამდე პატიმრობით ისჯება.
საქართველოში თამბაქოს შემოტანაზე აქციზი 2017 წლის იანვრიდან გაძვირდა.
